Ուսուցումը կազմակերպվում է հանրակրթական ծրագրին համապատասխան, կարևորվում են երեխաների տրամաբանության զարգացմանն ուղղված մեթոդները։ Երեխաները դպրոցում ճաշում են, կատարվում է դասապատրաստում։ Ներառված է նաև մշակութային լրացուցիչ կրթություն, ցանկացողների համար կգործեն նաև երկարօրյա պարապմունքներ։

Առաջին դասարանցիների դպրոցական առօրյան

9․00-11․30 — Միասին դաս ենք սովորում։

11․30-12․00 — Ճաշում ենք։

12․00-14․00 — Հանգստանում և զվարճանում ենք․ մուլտֆիլմեր ենք դիտում, ազգային պարեր ենք սովորում, տիկնիկային թատրոն ենք խաղում և այլն։

14․00-14․30 — Մի քիչ էլ ենք ուտում։

14․30-16․00 — Հաջորդ օրվա դասերն ենք սովորում։

16․00 — Տուն ենք գնում։

16․00-18․00 — Եթե հայրիկն ու մայրիկը զբաղված են, հեքիաթներին ենք հյուր գնում /Հավելյալ երկարօրյա՝ ծնողի ցանկությամբ/։

2-4-րդ դասարանցիների առօրյան

Գրեթե նույն սխեման է կիրառվում: Ժամային փոփոխությունները դասացուցակից են կախված։

Տարրական դպրոցի առաքելությունն է բացահայտել երեխաների հնարավորությունները, զարգացնել տրամաբանությունը, խթանել սերը ուսման, բնության և հայրենիքի նկատմամբ, ձևավորել ինքնաճանաչողություն, հաղորդել գիտելիքներ և ձևավորել դրանք գործնականում կիրառելու հմտություններ։